ធនាគារ ជេ ត្រាស់ រ៉ូយាល់ បានចុះហត្ថលេខាលើអនុស្សរណៈនៃការយោគយល់គ្នាជាមួយ ក្រុមហ៊ុន អឺបេនលែន (Urbanland) សម្រាប់គម្រោងបុរីចន្ទគីរី កាលពីថ្ងៃចន្ទ ទី២៨ ខែមិថុនា ម្សិលមិញ។
តាមរយៈភាពជាដៃគូនេះ អតិថិជនរបស់បុរីចន្ទគីរី នឹងទទួលបាននូវការផ្តល់ប្រាក់កម្ចី និងការអនុម័តកម្ចី កាន់តែងាយស្រួល និងរហ័សជាងមុន ព្រមទាំងអាចទទួលបានប្រាក់កម្ចីរហូតដល់ ៨០% នៃតម្លៃផ្ទះសរុប។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
ការចុះហត្ថលេខាលើអនុស្សរណៈនៃការយោគយល់នេះត្រូវបានធ្វើឡើងនៅការិយាល័យលក់នៃបុរី ចន្ទគីរី ក្រោមអធិបតីភាពរបស់ លោក Toru Myochin នាយកប្រតិបត្ដិ នៃធនាគារ ជេ ត្រាស់ រ៉ូយ៉ាល់ និងលោក កាំង ហុក នាយកគ្រប់គ្រងនៃក្រុមហ៊ុន Urbanland និងមានការចូលរួមពីសំណាក់ លោក ស៊ីសុវត្ថិ វីក នាយកផ្នែកសេវាធនាគារសម្រាប់បុគ្គល នៃធនាគារ ជេ ត្រាស់ រ៉ូយ៉ាល់ និងលោកស្រី ឌៀប លីដា នាយកផ្នែកហិរញ្ញវត្ថុ នៃក្រុមហ៊ុន Urbanland។
សូមបញ្ជាក់ថា ធនាគារ J Trust Royal គឺជាធនាគារបរទេសធំជាងគេមួយនៅក្នុងប្រទេសកម្ពុជា ដែលមានការប្ដេជ្ញាចិត្តខ្ពស់ក្នុងការផ្ដល់សេវាកម្មហិរញ្ញវត្ថុលំដាប់ពិភពលោកជូនប្រជាជនកម្ពុជា និងជនបរទេសដែលរស់នៅក្នុង និងធ្វើការងារនៅកម្ពុជា។ បន្ទាប់ពីធនាគារ ANZ Royal ត្រូវបានប្ដូរឈ្មោះមកជាធនាគារ J Trust Royal ជាផ្លូវការនៅក្នុងខែសីហា ឆ្នាំ2019 ក្រោយពី J Trust បានទិញយកភាគហ៊ុនធនាគារនេះ។
បុរី ចន្ទគីរី នឹងផ្ដល់នូវការរស់នៅប្រកបដោយផាសុកភាព ផ្សាភ្ជាប់នឹងធម្មជាតិបៃតង និងទីធ្លាប្រើប្រាស់ដ៏សម្បូរបែប ជាច្រើនកន្លែងកៀកៗខ្លួនអ្នក ដើម្បីធ្វើឲ្យការរស់នៅរបស់លោកអ្នកប្រសើរជាងមុន៕
