• Sun. Mar 27th, 2022

សិស្សជាប់និទ្ទេសA ៣ ខេត្តនឹង​ទទួល​បានម៉ូតូ ម្នាក់ ១គ្រឿង ពី ឯកឧត្ដម​ស សុខា

77 Shares

ឯកឧត្ដម​ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហភាពសហព័ន្ធយុវជនកម្ពុជា ទទួលបន្ទុកខេត្តព្រៃវែង បាត់ដំបង និងខេត្តបន្ទាយមានជ័យ នឹងធ្វើការប្រគល់ម៉ូតូជារង្វាន់លើកទឹកចិត្ត ចំនួន ៨៤គ្រឿង ដល់សិស្សថ្នាក់ទី១២ ប្រឡងជាប់និទ្ទេសA ក្នុងឆ្នាំសិក្សា២០១៨-២០១៩ នាសម័យប្រឡងថ្ងៃទី១៩ ខែសីហា ឆ្នាំ២០១៩ កន្លងទៅនេះ ។

ក្នុង​នោះ​ដែរ​សិស្សប្រឡងជាប់និទ្ទេសA ទាំង ៨៤នាក់ គឺមកពីខេត្តព្រៃវែង ចំនួន ២៧នាក់​ ខេត្តបាត់ដំបង ចំនួន ៣២នាក់ និងខេត្តបន្ទាយមានជ័យ ចំនួន ២៥នាក់ ។

ដោយឡែកសម្រាប់ខេត្តព្រៃវែង ឯកឧត្ដម​ស សុខា ក៏នឹងផ្តល់ម៉ូតូ ១គ្រឿង ដល់លោកគ្រូ អ្នកគ្រូណា ដែលសិស្សជាប់និទ្ទេសA នោះ ពិន្ទុច្រើនជាងគេ ។ អ៊ីចឹងសម្រាប់ខេត្តព្រៃវែង លោក ស សុខា ត្រូវផ្តល់ជូនម៉ូតូ ចំនួន ៥៤គ្រឿង គឺសិស្សជាប់និទ្ទេសA ចំនួន ២៧គ្រឿង និងលោកគ្រូ អ្នកគ្រូ ចំនួន ២៧គ្រឿងដែរ ។ សរុបទៅទាំង ៣ខេត្ត ឯកឧត្ដម​ស សុខា ត្រូវប្រគល់ម៉ូតូ ចំនួន ១១១គ្រឿង ។

សម្រាប់ខេត្តព្រៃវែង បាត់ដំបង និងខេត្តបន្ទាយមានជ័យ ទទួលបានការយកចិត្តខ្ពស់​ពីសំណាក់ឯកឧត្ដម​ស សុខា និងលោកស្រី ដូចជា ៖ បើកវគ្គបំប៉នជូនដល់សិស្សថ្នាក់ទី១២ រយៈពេល ៣ខែ មុនថ្ងៃប្រឡង ដោយឥតគិតថ្លៃ សិក្ខាសាលាតំរង់ទិសក្រោមប្រធានបទ “វិធីសាស្ត្ររៀនត្រៀមប្រឡង និងជ្រើសរើសមហាវិទ្យាល័យ” រង្វាន់លើកទឹកចិត្តម៉ូតូ ម្នាក់ ១គ្រឿង ផ្តល់អាហារូបករណ៍ក្រៅប្រទេស និងក្នុងប្រទេស រាប់ពាន់កន្លែងផងដែរ៕

77 Shares
Copy link
Powered by Social Snap