សមត្ថកិច្ចគរបាលនាយកដ្ឋានព្រហ្មទណ្ឌចាប់ខ្លួនបញ្ជូន ស្ត្រីជាពាណិជ្ជករម្នាក់ មកកាន់សាលាដំបូងរាជធានីភ្នំពេញ ពីបទមិនបំពេញកាតព្វកិច្ចចំពោះឧបករណ៍អាចជួញដូរបាន និងប្រតិបត្តិការទូទាត់ប្រាក់។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
រូបភាពបណ្តាញសង្គម
ស្រ្តីជាជនជាប់ចោទ មានឈ្មោះ ឌួង ហេម៉ាលីស អាយុ៣៥ឆ្នាំ ជាពាណិជ្ជករ មានទីលំនៅ ផ្លូវ៣៥២ សង្កាត់បឹងកេងកងទី១ ខណ្ឌចំការមន ត្រូវបានសាលាដំបូងរាជធានីភ្នំពេញចេញសាលក្រមកំបាំងមុខ ចុះថ្ងៃទី ៣១មករា ២០១៩ ដោយវិនិច្ឆ័យសេចក្ដីផ្ដន្ទាទោសដាក់ពន្ធនាគារកំណត់ ២ឆ្នាំពីបទ មិនបំពេញកតព្វកិច្ចចំពោះឧបករណ៍អាចជួញដូរបាន និងប្រតិបត្តិការទូទាត់ប្រាក់នៃច្បាប់ស្ដីពីឧបករណ៍អាចជួញដូរបាន។
ដោយសារអំណាចនៃសាលក្រមនេះចូលជាស្ថាពរទើបកាលពីថ្ងៃទី ០២កុម្ភៈ ឆ្នាំ២០១៩ លោកចៅក្រម សេង រិទ្ធី បានចេញដីកាបង្គាប់អោយសមត្ថកិច្ចសាធារណៈចាប់ខ្លួនពិរុទ្ធជនឈ្មោះ ឌួង ហេម៉ាលីស យកមកអនុវត្តតាមសេចក្ដីសម្រេចរបស់តុលាការ ហើយនៅថ្ងៃទី ០២មិថុនា ឆ្នាំ២០២១នេះ នគរបាលបានចាប់ខ្លួនជនត្រូវចោទមកប្រគល់អោយតុលាការតែម្ដង៕
