ឧកញ៉ាកសិកម្ម ម៉ុង ឬទ្ធី នៅរសៀលថ្ងៃអាទិត្យទី០៣ ខែមករា ឆ្នាំ២០២១ ធ្វើដំណើឆ្លងកាត់តាមបណ្ដោយផ្លូវល្បឿនលឿន ភ្នំពេញ ព្រះសីហនុ ចុះពិនិត្យសកម្មភាពដំណើរការសាងសង់។
មហាសេដ្ឋី ម៉ុង ឬទ្ធី បានថ្លែងថា ធ្វើដំណើឆ្លងកាត់តាមបណ្ដោយផ្លូវល្បឿនលឿន ដែលមានប្រវែង190គីឡូម៉ែត្រ ភ្នំពេញ ខេត្តព្រះសីហនុត្រង់PK158 ដែលវិនិយោគទុនដោយក្រុមហ៊ុនចិន បេីតាមការពិនិត្យមេីលដោយផ្ទាល់ ឃេីញថាមានសន្ទុះលឿននិងមានគុណភាពល្អខ្លាំងណាស់។
លោកឧកញ៉ាកសិកម្មរូបនេះថា បេីមានបងប្អូនណានាំឡានស្រោចកៅស៊ូប្រភេទនេះចូលមកខ្ញុំចង់ទិញមួយគ្រឿង។
សូមជម្រាបថា ផ្លូវល្បឿនលឿនទី១ នៅកម្ពុជា ដែលមានប្រវែងសរុបជិត១៩០ គីឡូម៉ែត្រនេះតភ្ជាប់ពីសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដោយឆ្លងកាត់ខេត្តកណ្តាល ៩,១០គីឡូម៉ែត្រ ខេត្តកំពង់ស្ពឺ ៨០,៨០គីឡូម៉ែត្រ ខេត្តកោះកុង១,៩២ គីឡូម៉ែត្រ និងខេត្តព្រះសីហនុមានប្រវែង ៨៩,៨៩ គីឡូម៉ែត្រ។ ផ្លូវល្បឿនលឿនចាប់ផ្តើមសាងសង់នៅថ្ងៃ ទី២២ ខែ មីនា ឆ្នាំ ២០១៩ ដោយក្រុមហ៊ុនសាជីវកម្មស្ពាន និងថ្នល់ចិន (CRBC) តាមរយៈក្រុមហ៊ុន Cambodian PPSHV Expressway Co., Ltd ដែលចំណាយទឹកប្រាក់សរុបប្រមាណ ១៩០០លានដុល្លារ៕
