• Sun. Oct 17th, 2021

Elon Musk ទម្លាក់ Bill Gates ឈរលេខ ២ ជាអ្នកមានបំផុតលើពិភពលោក

279 Shares

សហស្ថាបនិកក្រុមហ៊ុន Tesla Inc លោក Elon Musk បានទម្លាក់មហាសេដ្ឋី Bill Gates ក្លាយជាអ្នកមានបំផុតទី ២ នៅលើពិភពលោក ។

ទ្រព្យសម្បត្តិសុទ្ធរបស់សហគ្រិនវ័យ ៤៩ ឆ្នាំរូបនេះបានកើនឡើងពី ៧.២ ពាន់លានដុល្លារទៅ ១២៧.៩ ពាន់លានដុល្លារដែលរកបានពីការឡើងថ្លៃភាគហ៊ុនរបស់ក្រុមហ៊ុន Tesla ។

លោក Musk បានបន្ថែមប្រាក់ ១០០.៣ ពាន់លានដុល្លារដល់ទ្រព្យសម្បត្តិសុទ្ធរបស់គាត់នៅឆ្នាំនេះនៅក្នុងតារាង Bloomberg Billionaires Index ដែលជាតារាងចំណាត់ថ្នាក់របស់អ្នកមានបំផុត ៥០០ នាក់នៅលើពិភពលោក ខណៈនៅខែមករាគាត់បានជាប់ចំណាត់ថ្នាក់ទី ៣៥ ។

ការបង្កើនទ្រព្យសម្បត្តិរបស់គាត់ត្រូវបានជំរុញភាគច្រើនដោយក្រុមហ៊ុនផលិតរថយន្តអគ្គិសនីដែលតម្លៃទីផ្សារបានកើនឡើងដល់ ៥០០ ពាន់លានដុល្លារ បន្ទាប់ពីភាគហ៊ុនរបស់ក្រុមហ៊ុន Tesla បានកើនឡើងបន្ថែមទៀតកាលពីថ្ងៃអង្គារ ។

ប្រហែល ៣ ភាគ ៤ នៃទ្រព្យសម្បត្តិសុទ្ធរបស់គាត់គឺមានភាគហ៊ុនរបស់ក្រុមហ៊ុន Tesla ដែលមានតម្លៃច្រើនជាងបួនដងនៃភាគហ៊ុនរបស់គាត់នៅក្នុងក្រុមហ៊ុន Space Exploration Technologies Corp ឬ SpaceX ។

ទន្ទឹមនោះការឡើងចំណាត់ថ្នាក់របស់លោក Musk គឺជាលើកទី ២ ហើយនៅក្នុងប្រវត្តិរយៈពេល ៨ ឆ្នាំដែលធ្វើឲ្យសហស្ថាបនិកក្រុមហ៊ុន Microsoft Corp ទទួលបានចំណាត់ថ្នាក់ក្រោមលេខ ២ ។ គាត់បានកាន់កាប់តំណែងកំពូលអស់រយៈពេលជាច្រើនឆ្នាំ មុនពេលត្រូវបានផ្តួលដោយស្ថាបនិកក្រុមហ៊ុន Amazon.com Inc លោក Jeff Bezos ក្នុងឆ្នាំ ២០១៧ ។

ទ្រព្យសម្បត្តិដ៏សុទ្ធរបស់លោក Bill Gates គឺ ១២៧.៧ ពាន់លានដុល្លារ ហើយនឹងច្រើនជាងនេះ ប្រសិនបើគាត់មិនបានបរិច្ចាគយ៉ាងច្រើនដល់សប្បុរសធម៌ប៉ុន្មានឆ្នាំមកនេះ ។ លោកបានផ្តល់ប្រាក់ជាង ២៧ ពាន់លានដុល្លារដល់មូលនិធិរបស់លោកចាប់តាំងពីឆ្នាំ ២០០៦ ៕

Microsoft co-founder Bill Gates, seen above in 2018, gives high marks for social distancing efforts during the coronavirus pandemic but low marks for testing. He says he thinks large public gatherings may have to wait until there’s a vaccine.

ប្រភព៖ កម្ពុជាថ្មី http://kampucheathmey.com/global-news/17603/

279 Shares
Copy link
Powered by Social Snap