• Sun. Nov 28th, 2021

ឯកឧត្តម ដួង ដារ៉ា នាំយកអំណោយសម្តេចទាំងទ្វេទៅជូនប្រជាពលរដ្ឋ ១ពាន់គ្រួសារ នៅខេត្តបាត់ដំបង

30 Shares

គ្រោះមហន្តរាយធម្មជាតិ នៃជំនន់ទឹកភ្លៀង បានបង្កបញ្ហាប្រឈម នឹងរងផលប៉ះពាល់មួយចំនួនដល់ប្រជាពលរដ្ឋស្ទើទូទាំងប្រទេស។ ដោយបញ្ហាកូវីដ ១៩ និងការប្រឈមជំនន់ទឹកភ្លៀង​ រាជរដ្ឋាភិបាលបានសម្រេចប្រកាសផ្អាកប្រារព្ឋពិធីបុណ្យអុំទូកជាប្រពៃណីរបស់ខ្មែរផងដែរ​។ ដេីម្បីធានាបាននូវសុវត្ថិភាពអាយុជីវិតប្រជាពលរដ្ឋជាធំក្រោមការយកចិត្តទុកដាក់ដ៏ខ្ពង់ខ្ពស់បំផុតរបស់សម្តេចតេជោនាយករដ្ឋមន្រ្តី។

នៅថ្ងៃទី៣០ ខែតុលា ឆ្នាំ២០២០ ឯកឧត្តម ដួង ដារ៉ា ជំនួយការ សម្តេចតេជោ ហ៊ុន សែន នាយករដ្ឋមន្រ្តី និងជាអនុរដ្ឋលេខាធិការទីស្តីការគណៈរដ្ឋមន្រ្តី បាននាំយកអំណោយរបស់សម្តេចទាំងទ្វេចែកជូនប្រជាពលរដ្ឋចំនួន ១ពាន់គ្រួសារ នៅស្រុកសំឡូត ខេត្តបាត់ដំបង។

លើហ្វេសបុកលោក ដួង ដារ៉ា បានបង្ហាញថា៖ ថ្ងៃនេះ​ ខ្ញុំងេីបពីព្រឹកបន្តិច​ ព្រោះត្រូវនាំយកអំណោយសម្តេចទាំងទ្វេទៅផ្តល់ជូនបងប្អូនកូនចៅប្រជាលរដ្ឋរបស់សម្តេច១ពាន់គ្រួសារនៅស្រុកសំឡូត​ ខេត្តបាត់ដំបង​។ ខ្ញុំសូមអរគុណចំពោះការចូលរួមចែករំលែកពីបងប្អូនសប្បុរសជនទាំងអស់គ្នា។

យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និង សូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕

30 Shares
Copy link
Powered by Social Snap